E Managing Director di VCC International N.V. tin mas cu 15 aña di experiencia den mercadeo, comunicacion, tecnologia y sector publico. Jane Wever-Vermaas tin un Master obteni na Erasmus University Rotterdam y el a traha na Banco Central di Aruba como tambe na Aruba Tourism Authority. Actualmente e ta lidera e compania di su tata, VCC International, renombra na Aruba pa su software innovativo adapta na e mercado local. Adicionalmente di su trabou na VCC, Jane ta miembro di Hunta Directiva di Comerciante Uni Aruba y Kiwanis Club of Aruba. E tin un schedule hopi druk entre su trabou y su famia como mama di tres yiu. Pero su secreto ta cu e tin un tremendo casa y na cas nan ta un team.
Bert Vermaas a cuminsa cu VCC International N.V na 1992 desde su home office na Angochi. E tabata cansa di e stress di Hulanda y kier a biba na Aruba pa brinda software innovativo. Como su yiu, Jane ta tuma e oportunidad di gab’e tambe, paso e ta e unico ERP consultant cu ta certifica den Exact, SAP y tambe awor Odoo. Su actitud, su dedicacion na nan clientenan – cu ta stim’e – ta e fundeshi di VCC y nan slogan ta “Real Software, Real Support”. Algun di e sofware mas renombra di VCC International N.V. ta Payroll Pro HRM, cu ta e software di HRM desaroya na Aruba y mas uza den Caribe; ERP software cu ta wordo uza globalmente manera Exact y Odoo y e portfolio M-Files, un document management software cu ta traha cu workflows, automation y AI.
Nan ekipo ta e curason di e compania y tur ta experto biniendo for di diferente sector manera HR, IT y Business Administration, tur ta alinea cu un solo proposito. Calidad den e software cu nan ta implementa y calidad den servicio na e cliente. Nan mester ta all-round, hands-on y por traha cu tur tipo di cliente, e multinacional pero tambe e negoshi local. Locual nan ta enfoca mas riba dje ta pa brinda un servicio excelente y crea un relacion duradero cu e cliente. Jane su vision como Managing Director di VCC ta pa enfoca riba expansion y modernisacion.
Jane Wever-Vermaas kier sigui expande nan impacto den Caribe door di colabora cu diferente proveedor di software. Pa keda modernisa nan mesun proceduranan, keda crece den cantidad di clientenan mientrastanto ofreciendo un tremendo servicio pa cual VCC ta conoci. Nan tin un ekipo solido, socionan loyal, un legado poderoso y e kier sigui construi riba esaki mientras nan ta keda modernisa. VCC su meta ta keda pa percura pa e clientenan tin acceso na tecnologia innovativo cu ta sirbi nan, adapta pa e mercado local cu servicio di calidad.
