The Glam Squad di L’ORÉAL PARIS conoci como e maestronan den beyesa tabata di gira na Aruba. Manera varios aña caba e tres expertonan: Andrea Nogueras, Jason Gausch y Aileen Toro, procedente di Puerto Rico tin un cita pa ekipa e profesionalnan den e mundo di beyesa y comparti tips cu e clientenan fiel di L’ORÉAL PARIS.
Romar Trading Beauty, distribuidor di L’ORÉAL PARIS na Aruba, a host un cocktail party chic na Fusion Restaurant. Andrea, Jason y Aileen a ricibi un caluroso bonbini cu muestranan di cariño di e invitadonan cu a sigura pa ta presente e anochi aki. Un esfera cozy cu un atencion sublime sirbiendo e invitadonan exkisito canapes mientras nan ta combersa y sip Santa Margherita prosecco y refrescante Ketel One Spitzers.
E tabata un anochi cu a inspira combersacion ameno, relaha, disfruta y saca potret cual tabata parti di e ambiente. Ora di despedida e invitadonan a ricibi como obsequio un goody bag cu un seleccion di e productonan di L’ORÉAL PARIS. Despues di e anochi ameno aki a continua e siguiente dia cu e programa prepara for di diaranson 7 di mei pa diasabra 10 di mei.
E prome compromiso tabata cu e profesionalnan den area di beyesa cu un workshop na Alhambra Ballroom y merdia ‘The Glam Squad’ tabata na Wow Cosmetica. Diahuebs e clientenan di House of Cosmetics tabatin oportunidad di topa e trio magnifico aki. Diabierna a toca turno na Botica Oduber parti mainta y Doit Center den oranan di atardi. E dia siguiente pa cera e exitoso tour, ‘The Glam Squad’ tabata prome na Ling & Sons pa sigui pa D.A. Drogist unda nan a atende e ultimo clientenan cu tips di e producto adecuado pa nan cutis, cabey y makiyahe.
E ekipo di Romar Trading Beauty encarga cu e mercadeo di L’ORÉAL PARIS na Aruba a desplega un coordinacion sublime. Pa locual ta ‘The Glam Squad’ cada uno cu nan experticio a analisa y duna tips na e clientenan. Andrea Nogueras, cu ta e experto den cutis a splica tocante e rutina di cuido. Aileen Toro un profesional den tur locual ta concerni e cuido di cabey pa e luci saludabel. E makeup artist, Jason Gausch, a comparti diferente tips di makiyahe y a laga tur e damanan encanta cu e linea di L’ORÉAL PARIS.
