E seccion di Home Trends den Focus Digital Magazine di mei ta enfoca riba e luga cu nos ta ricibi nos bishitanan, unda nos ta relaha den famia na final di dia. Esaki ta e sala cual ta hopi mas cu un espacio decora cu mueble y acesorio bunita; esaki ta e curason social di e hogar.
Den e sala ta unda hopi biaha ta nace e momentonan mas memorabel di e bida diario. P’esey, su diseño mester bay un poco mas aleu cu e parti estetico. E mester ta funcional, cozy y refleha e esencia di e personanan cu biba den dje.
Den Home Trends di e luna aki, Dalia y Rayson di Dalia Décor Interior and Design, ta explora con pa transforma bo sala den un espacio cu ta invita pa sinti, biba y comparti, combinando estilo, comodidad y personalidad den perfecto harmonia.
Nan ta elabora riba cinco punto importante entre cual esun prome cu nan ilustra ta cu un sala bunita no ta sirbi si no por disfruta di dje. E mester ta “Diseña pa biba, no solamene pa mustra”. Scoge mueblenan comodo y duradero cu ta invita pa sinta, relaha y comparti tempo den famia.
E otro aspectonan di un sala:
2. Refleha bo esencia cu detayenan personal
3. E ekilibrio entre luz, color y textura
4. Conecta cu naturalesa desde e interior
5. Crea espacio pa comparti y desconecta
Dalia y Rayson Semeleer ta den Focus Digital Magazine di e luna di mei cu nan tips valioso, unda tur hende por haya un guia con pa embeyece nan hogar. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
