Su ilusion semper ta pa ser reconoci na nivel mundial y tin su propio marca di beyeza. Jesús ‘Fidel’ Álvarez Campos su inicio den e mundo di beyesa tabata cu su 22 aña y tin awo aproximadamente 16 aña den e profesion como estilista. Su formacion den e trabou tanto den pelukeria como makiyado, el a ricibi door di a participa den hopi seminario na su pais natal Venezuela. Poco poco el a bay ta siña pa yega na nivel di e profesional cu e ta awendia.
Fidel tin dos aña trahando den e mundo di beyeza na Miami, pero prome cu el a muda pa ey, el a coolabora cu talentonan local den varios certamen na Aruba. E tin hopi gradicimento na su amigo Edgar Kock y Mirrors Beauty Academy pa habri e portanan durante hopi aña. Na su amigonan di e concursonan di Miss Teen Aruba International y Miss International Aruba pa lag’e demostra su talento.
Fidel a forma parti tambe como makiyado den e eleccion Reina di Carnaval, cual p’e tabata increibel pa ser parti di produccionnan cu tabata mescla profesionalismo y hospitalidad di e Arubianonan. Su dos añanan bibando na Merca, e ta defini como un periodo di transformacion y crecemento. El a traha den varios programa di television y a participa como makiyado y estilista den diferente certamen di beyesa internacional.
Den Focus Digital Magazine di februari, Fidel Álvarez ta conta con su horizonte profesional ta expandiendo y conectando cu talentonan di diferente cultura a enrikese su experiencia den e industria di beyeza. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
