2025 ta e aña unda varios di e soñonan di Kaylie lo bira realidad. Birando Reina Grandi di C71 ta un di su soñonan cu ya a wordo cumpli. Un otro soño cu lo bira realidad ta ricibiendo su diploma den Bachelors di Comercio for di Toronto Metropolitan University. Desde chikito semper Kaylie a gosa den carnaval y tabata soña cu un dia e por participa pa Reina di Aruba su Carnaval. Aña pasa porfin el a bisa su tata cu di berdad awor si e kier bay p’e… y asina tur cos a cuminsa.
Kylie ta conta cu el a lanta den un famia uni cu hopi amor, unda el a siña bira independiente na un edad jong. E tin dos ruman chikito cu e stima un mundo. Despues di caba HAVO na Colegio Arubano, el a haal su propedeuse na Universidad di Aruba pa despues continua su estudio na Toronto, Canada. E ta hopi orguyoso pa bisa cu el a gradua cu un Bachelors di Comercio. Durante su estudio el a dedica su mes pa gana experiencia y crea conexion den e mundo profesional pa asina por aplica esaki awor, cu e ta bek na Aruba.
E logro como Reina di C71 pa Kaylie Figaroa ta nifica y el a siña cu trabou duro, hopi dedicacion y kere den bo mes, bo por logra tur cos cu bo kier. Den Focus Digital Magazine di februari, Reina di Carnaval 2025 ta conta di su experiencia riba stage y di loke e ta sinti mas orguyoso. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
