E trayectoria exitoso di Leonor Dirksz durante 23 aña trahando den industria di beyesa a ser reconoci pa di dos bes, unda e biaha aki el a ser invita como hurado na Liga Mundial de Pestañas na Madrid, Spaña. Su prome experiencia como hurado internacional tabata na Festival Cusco 2023. E diferencia entre e dos eventonan aki pa Leonor tabata e parti di e registracion. E comunicacion cu e tres participantenan di Aruba no tabata posibel durante e dos dianan ora di competencia y como hurado e no tabatin mag di husga nan.
E trayectoria exitoso di Leonor Dirksz a haci cu na 2022, el a ricibi invitacion pa participa na e prome congreso di “pestañas” na Caribe. E congreso a tuma luga na Punta Cana, Republica Dominicana. E tabata pa Leonor un experiencia educativo y positivo, unda el a cera conoci cu hopi hende den su area di trabou. Door di e evento aki a yega un invitacion pa Leonor ta hurado na Festival Cusco, cual tabata e prome festival di “pestañas” na Latinoamerica, cu a tuma luga na Peru den luna di augustus 2023.
E reconocementonan cu Leonor ta ricibiendo riba nivel internacional ta demostra e respet y admiracion cu e profesionalnan den e mercado aki tin pa un experto Arubiano. Den Focus Digital Magazine di e luna aki, Leonor ta conta di su experiencia como hurado na Liga Mundial de Pestañas na Madrid. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
