Mercát Restaurant na Aruba Marriott Resort & Stellaris Casino y su Chef Ehecutivo, Cristiano Guidetti, ta prepara pa ofrece un experiencia gastronomico exclusivo, cu ta priminti di ta nada otro di extraordinario. Cu mas di 30 aña di experiencia culinario na diferente continente y cushina, Chef Guidetti ta cla pa trece su creatividad, pasion y herencia italiano na e curason di e su cushina.
Chef Guidetti su filosofía culinario ta basa den e tradicion di su herencia italiano, pero su manera di traha ta tur cos menos esun convencional. Su carera, cu a inclui ta chef priva pa e miho ekiponan di futbol na Italia y ta propietario di varios restaurantnan na Venezuela, a dune e oportunidad pa desaroya un estilo culinario unico cu ta combina e sabornan clasico italiano cu influencianan global. Como e Chef Ehecutivo actual di Mercát na Aruba Marriott Resort, e ta continua di supera e limitenan di innovacion mientras ta mantene un respet profundo pa e ingredientenan y e tecnicanan cu a defini su carera.
Riba Diabierna 27 di September 2024, e huesped y invitadonan lo haya e oportunidad di purba un menu special elabora pa Chef Guidetti. Imagina bo mes transporta na e curason di Verona, unda e aromanan rico di e cushina autentico Italiano ta yena e aire, mientras e notanan melodioso di opera ta crea e escenario perfecto pa un anochi di puro placer. Spera un experiencia gastronomico cu no solamente ta deleita e paladar, sino tambe ta celebra e bida maraviyoso di cultura y experiencia.
Pa un anochi inolvidabel, Mercát ta trece e esencia di Verona na bo mesa. E anochi ta cuminsa cu un seleccion di biña exkisito di e bodega historico di Masi y Serego Alighieri, cada kelki ta escogi cuidadosamente pa complementa e menu di e anochi. E biñanan legendario aki, influencia profundamente den tradicion y elabora cu pasion, lo wordo combina cu un menu delicioso di cinco plato crea pa e talentoso Chef, Cristiano Guidetti, di Mercát Restaurant.
Deleita cu e Cannolo di Mele y Lardo di Colonnata, unda e textura bros di appel ta combina cu e rikesa luhoso di Lardo, creando un plato sorprendente y placentero na mes momento. Pa e amantenan di pasta, e Tagliatelle ai Funghi Porcini y Guanciale ta ofrece un sabor di herfst cu su combinacion di wild porcini mushrooms y cured pork jowl.
Mientras cu bo ta saboria cada plato, e anochi lo wordo eleva pa e bunita bos di e cantante di opera renombra, Eduard Rublea, ken lo interpreta arias clasico cu ta captura e romanticismo y drama di Italia. Join Mercát Restaurant pa un anochi di sabornan exkisito, bon biña y e arte incomparabel di Chef Cristiano Guidetti. Esaki no ta solamente un cena; e ta celebracion di e dedicacion di un chef su bida na su profesion y un testimonio di e transformacion di e poder di cuminda. Sigura bo lugar na mesa y ta parti di e evento culinario inolvidabel aki tumando contacto na Aruba.reservations@marriotthotels.com.
Download bo revista awo!
