E Dia Internacional di Enfermeria ta wordo celebra rond di mundo riba 12 di mei, e aniversario di nacimento di Florence Nightingale, considera e fundadora di enfermeria moderno. E aña aki, e dia aki a adkiri un significacion mas profundo y conmovedor. E nursenan rond mundo tabata e ‘frontliners’ di e pandemia COVID-19 durante lunanan. E nursenan y otro empleadonan den cuido medico tabata traha mas duro cu nunca pa atende e pashentnan durante e pandemia di coronavirus.
Durante e pandemia di COVID-19, e mundo a keda wordo recorda constantemente cu e rolnan cu e nursenan y otro trahadornan den prome linea tin den un sociedad, ta realmente increiblemente importante y generoso. E dia ta rindi homenahe na e enorme sacrificionan cu e trahadornan den salubridad ta haci diariamente. E tema di e aña aki, segun Conseho Internacional di Enfermeria, tin e titulo “Nursing the World to Health.”
Homenahenan online di tur parti di mundo a ser expresa pa celebra di dia y gradiciendo e nursenan pa nan dedicacion, compromiso y sacrificio. Na Aruba awe nochi pa 8’or lo rindi homenahe na tur e nursenan, unda ta uni pa duna un aplauso nacional di 1 minuut pa Saluda y Gradici tur e profesionalnan, cu ta brinda servicio di prome necesidad.
