Dokter Patrick van der Linde ta traha na Hospital das Clínicas, cu ta e di 6 hospital mas grandi di mundo, controla door di e Universidad di Sao Paulo y reconoci como e universidad number 1 di Latino America. E hospital ta e centro di referencia pa henter Brasil y nan ta ricibi tur caso avanza y mas dificil pa resolve, operando 180 diferente caso pa siman.
Patrick for di chikito caba tabata interesa den medicina. Y en bes di sinta mira cartoons na television, e tabata mira e programanan tocante e trabou di ciruhanonan den hospital y sala di operacion. Tempo dokter van der Linde a bay Colombia, el competi cu 600 dokter, cu kier a drenta pa bira ciruhano y di cual 4 so a drenta. Despues el a bay Brasil pa competi cu e dokternan cu kier a drenta pa haci cirurgia plastico di e mihor universidad, unda 1 so ta drenta pa aña. Y Patrick a logra drenta.
E reto mas grandi cu dokter van der Linde a experencia na hospital tabata e herarkia entre ciruhano. Como un residente nobo y hoben e mester wanta hopi insulto y zundra, cuminsa tur dia 3or di marduga, sali e dia siguiente y por pasa 3 of 4 dia sin por bay cas. Ta un acto teroristico diario, un bataya mental y esaki ta prepara bo, pa enfrenta cualkier situacion mañan. P’esey nan no por haci fout y mester ta 100% corecto tur ora, no 99%, pero 100%, sino hende ta muri. Lesa e entrevista completo cu revista FOCUS a realisa cu Dokter Patrick van der Linde den e edicion di maart.
